Барыһы ла яҡшы буласаҡ!

Вики-осрашыу

26 ноябрҙә беҙҙең китапханала викимедиасылар Рөстәм Нурыев һәм Фирүзә Абдуллинаның 136-сы башҡорт лицейы 5-се синыф уҡыусылары менән вики – осрашыуы үтте. Викимедиасы һәм шағирә Фирүзә Абдуллина үҙенең яңы китабы менән ҡунаҡҡа килде.

Абдуллина Фирүзә Дәүләтша ҡыҙы беренсе шиғырын 3 класта 8 мартҡа әсәһенә арнап яҙған. 7 класта уҡыған саҡта район гәзитендә тәүге тапҡыр шиғыры баҫылып сыҡҡан. Һуңғы йылдарҙа әүҙем яҙыша башлауы интернет селтәре менән бәйле – “Ғәжәп донъя” тип аталған төркөмө бар, шиғырҙарын яратып уҡыған уҡыусылары бар. Март айында “Барыһы ла яҡшы буласаҡ!” тип аталған беренсе китабы баҫылып сыҡҡан. Әлеге ваҡытта икенсе китабын баҫтырыу өҫтөндә эшләй. Ул балаларға үҙенең яңы шиғырҙарын уҡып ишеттерҙе, шулай уҡ Алтынай менән Азаматтың яттан шиғыр һөйләнеләр.

Рөстәм Нурыев буласаҡ викимедиасыларҙы Википедия, унда башҡарылған эштәр һәм яңы проекттар менән таныштырҙы, һорауҙарға яуап бирҙе.

Һуңынан сәй артында киләсәктә берлектәге саралар үткәреү тураһында фекер алышыу булды.